amérika, méksika we kanada üch terep yighini ötküzdi
amérika, méksika we kanada rehberliri 2016-yildin kéyin ötküzülgen tunji yighinida, wuxen wirusi (Kovid-19), köch, tereqqiyat we xewpsizlik qatarliq témilarda öz hemkarliq signalini berdi.
türkiye awazi radiyosi xewiri: amérika pirézidénti jo baydinning sahibxanliqida, méksika pirézidénti andrés manuél lopéz obrador (Andres Manuel Lopez Obrador) we kanada bash ministiri jastin trédu üch terep yighini ötküzdi.
aqsaray pirézidént jo baydinning sahibxanliqida üch terep yighini échilghanliqi toghrisida bayanat élan qildi.
bayanatta bildürülishiche, shimaliy amérika dölet bashliqlirining aridin besh yil ötkende ötküzgen tunji yighinda, döletler arisida özara hemkarliq we küchlük alaqiler tekitlengen.
rehberler wuxen wirusigha qarshi küresh, dunya saqliq saqlash ishlirining tereqqiy qildurulushi, riqabetchilikning tertipke sélinishi, barawer iqtisadiy éshish, köch we rayonluq küresh qatarliq mesililerde konkrét qedemlerni tashlash toghrisida pikir birliki hasil qilghan.
dunya zeherlik chékimlikke qarshi turushtimu qedem tashlash kérekliki tekitlengen yighinda, üch dölet otturisida teminlesh zenjiri mesiliside kordinatsiye méxanizmini qurush qarar qilinghan.
dunya kilimat kirizisigha qarshi ortaq küresh qilish qararliri chiqirilghan yighinda yene, köchmenlik belgilimilirige bezi tüzitishlerni kirgüzüsh tekitlengen.
مۇناسىۋەتلىك خەۋەرلەر
