«pelestin tirishish guruppiliri israiliyege tégishlik jawab qayturidu»
pelestin tirkishish guruppiliri israiliyening pelestinliklerge qarita hujumlirigha «tégishlik jawab» qayturulidighanliqini bildürdi.
türkiye awazi radiyosi xewiri: pelestin tirkishish guruppilirini öz ichige alghan birleshme heriket uyushmisi, tünügün iyordan deryasining gherbiy qirghiqi we ghezze rayonida israiliye armiyesi teripidin 3 pelestinlikning shéhit qilinishi toghruluq élan qilghan yazma bayanatida, tirkishish küchlirining pütkül pelestindiki weqeler we özgirishlerni yéqindin közitiwatqanliqi, israiliye küchlirining pelestin zéminliridiki düshmenliki we bigunah pelestinliklerge qaratqan jinayetlirining köpiyip ketkenliki eskertilish bilen bir waqitta, pelestin tirkishish guruppilirining, israiliyening pelestinliklerge qaratqan hujumlirigha tégishlik jawab qayturidighanliqi, israiliye hujumlirini dawamlashturghan teqdirde, qayturulidighan jawablar netijiside otturigha chiqqusi zenjirsiman weqelerning jawabkarining yene israiliye bolidighanliqi tekitlendi.
bayanatta yene, israiliyening bigunah puqralarni öltürüsh arqiliq heddidin ashqanliqi, yéqinqi künlerde quddus, iyordan deryasining gherbiy qirghiqi we ghezze rayonida hayatidin ayrilghan pelestinlikler üchün matem tutuluwatqanliqi qeyt qilindi.
مۇناسىۋەتلىك خەۋەرلەر
