burkina fasoda yüz bergen hujumda ölgenler sani köpeydi
burkina fasoning sahél rayonida charshenbe küni yüz bergen térrorluq hujumida qaza qilghanlar sani 80 ge yetti.
türkiye awazi radiyosi xewiri: burkina faso uchur - alaqe ishliri ministirliqining bildürüshiche, sum nahiyesining gorgadji rayonida, puqralar we dölet xewpsizlik küchlirini élip mangghan aptomobil etriti nishan qilinghan hujumda 15 esker bilen 65 puqra hayatidin ayrilghan, hujumdin kéyin, 80 térrorchi bir terep qilinghan.
pirézidént roch mark kiristiyan kaboré, hujumdin kéyin 72 saetlik döletlik matem élan qilghan.
deslepte, térrorluq hujumida 30 puqrani öz ichige alghan 47 kishining qaza qilghanliqi uqturulghanidi.
qoshna dölet malida paaliyet élip bériwatqan elqeide we daéshqa chétishliq térrorchi guruppilar, 2015 – yildin buyan burkina fasoning shimaliy we sherqiy qismigha pat – pat hujum qilidiken.
burkina faso sahéldiki bashqa qoshnisi nigér bilen birleshme herbiy heriketlerni élip bériwatqan bolushigha qarimay, malida turushluq térrorchi guruppilargha taqabil turalmaywatmaqta iken.
birleshken döletler teshkilatining sanliq melumatlirigha qarighanda, bu yilning bashliridin buyan 17 ming 500 kishi, bixeterlik sewebidin döletni terk étishke mejbur bolghan.
مۇناسىۋەتلىك خەۋەرلەر
