b d t muzakiriler arqiliq yéngi hökümet qurulushi toghruluq chaqiriqta boldi

türkiye awazi radiyosi xewiri: talibanning aldinqi küni afghanistanda hakimiyetni qolgha kirgüzüshidin kéyin jiddiy yighin chaqirghan birleshken döletler teshkilati xewpsizlik kéngishi, ortaq bayanname élan qildi.

afghanistanda terepler  toqunushlarni derhal toxtitishqa chaqiriq qilinghan bayannamide, muzakiriler yoli arqiliq ayallarmu oxshash sewiyede ishtirak qilidighan yéngi, birleshme we keng dairilik hökümet qurulushi lazimliqi bildürüldi, hemde pütkül afghanistanliqlar we dölettiki chet elliklerning bixeterlikiningmu qoghdilishining zörürlüki, dölettiki mewjut hakimiyet kirizisini hel qilish we afghanistan rehberlikide kiriziske tinch yol bilen hel qilish charisi tépish üchün muzakirilerning derhal bashlinishi lazimliqi tekitlendi.

afghanistandiki jiddiy kishilik hoquq depsendichiliklirining eidishilik sewiyede ikenlikini qeyt qilinghan bayanatta, barliq terepler, kishilik hoquq mesilisidiki xelqaraliq ölchem we pirinsiplargha emel qilishqa we barliq kishilik hoquq depsendichiliklirige xatime bérishke chaqirildi.

bayanatta yene, barliq tereplerdin, birleshken döletler teshkilati we bashqa insanperwerlik yardem teshkilatlirigha, bixeter we tosalghusiz paaliyet élip bérish imkaniyiti yaritip bérishi telep qilindi.

afghanistanning bashqa döletlerge hujum qilish üchün ishlitilidighan bir jaygha aylinip qalmasliqi lazimliqi tekitlengen bayanatta, mundaq déyildi: «ne taliban, ne bashqa guruppilar, bashqa bir döletning térrotériyeliride paaliyet élip bériwatqan térrorchilargha yardem bermesliki kérek.»