aljiriyede yüz bergen dala ot apetliride 42 adem qaza qildi
aljiriye hökümiti, dunya miqyasida yüz bergen dala ot apetliride 25 i esker bolup jemiy 42 ademning qaza qilghanliqini élan qildi.
türkiye awazi radiyosi xewiri: aljiriye bash ministiri eymen bin abdurrahman dölet téléwiziyesining döletning herqaysi rayonlirida dawamlishiwatqan dala ot apetliri toghrisidiki soallirigha jawab bérip, weqelerde 25 i esker bolup jemiy 42 kishining qaza qilghanliqini éytti.
u yene, yawropa döletliridin ot öchürüsh ayropilanlirini ijarige élish söhbetlirining dawam qiliwatqanliqini bildürdi.
aljiriyening resmiy xewer agéntliqi — APS ning xewirige qarighanda, aljiriyening 17 ölkiside 103 orunda dala ot apiti yüz bergen.
aljiriye ichki ishlar ministiri kamil bilkud yerlik metbuatlargha bayanat bérip, oxshash waqitta yüz bergen dala ot apetlirining bir «buzghunchiliq sélish» qilmishining netijisi bolush éhtimalliqigha ehmiyet bériwatqanliqlirini, tekshürüsh netijiside jawabkarlarning isimlirining pash qilinidighanliqini bildürdi.
aljiriye yéqinqi künlerde jenubtin kelgen qattiq issiq hawa dolquni we küchlük shamallardin kéyin bashlanghan dala ot apetlirige sehne bolmaqta.
مۇناسىۋەتلىك خەۋەرلەر
