b d t afghanistanda toqunushlar arisida qalghanlar üchün endishe qiliwatimiz
birleshken döletler teshkilati afghanistanning jenubidiki leshkergah rayonidiki toqunushta on minglarche kishining qapsilip qalghanliqidin qattiq endishe qiliwatqanliqlirini bildürdi.
türkiye awazi radiyosi xewiri: birleshken döletler teshkilati bash katipining bayanatchisi stéphan dujarrich, kündilik muxbirlarni kütüwélish yighinida, talibanning herbiy jehettiki kéngeymichilikidin kéyin afghanistanda zorawanliq weqelirining endishilik derijide köpiyip ketkenlikini, hélmand we qendehar wilayetliride puqrawi ölüm hadisilirining yüksek sewiyege yetkenlikini, hemde doxturxanilarnimu öz ichige alghan ul eslihelerning ziyangha uchrighanliqini eskertish bilen bir waqitta, afghanistanning jenubidiki leshkergah rayonidiki toqunushta on minglarche kishining qapsilip qalghanliqidin qattiq endishe qiliwatqanliqlirini, bu yilning bashliridin buyan 360 ming, 2012 – yildin buyan texminen 5 milyon kishining afghanistanda zorluq bilen öy – makanliridin qoghlap chiqirilghanliqini tekitlidi.
afghanistandiki herqaysi tereplerge puqralar we puqrawi ul eslihelerning qoghdilishi toghruluq chaqiriqta bolghan dujarrich, xelqara jemiyetnimu afghanistan üchün 1.3 milyard dollar yardem bérishke chaqirdi.
afghanistanda tinchliq musapisi naéniq haletta turuwatqan bir peytte, dölet xewpsizlik küchliri bilen taliban otturisidiki shiddetlik toqunushlar üzlüksiz dawamlashmaqta.
