ئامېرىكا: ئۆرۈلۈپ چۈشكەن بىنا قالدۇقلىرى ئاستىدىكىلەرنى ئىزدەش خىزمەتلىرى ئاخىرلاشتى

تۈركىيە ئاۋازى رادىيوسى خەۋىرى: ئالاقىدار تارماقلار، ۋەقەدىن كېيىنكى ئىزدەش – قۇتقۇزۇش خىزمەتلىرى نەتىجىسىدە خارابىلىك ئاستىدىن 97 كىشىنىڭ جەسىتىنىڭ چىقىرىلغانلىقىنى، بىر كىشىنىڭ ئىزدېرىكىنىڭ قىلىنالمىغانلىقىنى ئۇقتۇردى.

ئىگىلىنىشىچە، ساقچىلار قالدۇقلار  ئاستىدىكى نەرسە – كېرەك ۋە شەخسىي بۇيۇملارنى تەكشۈرۈشنى داۋاملاشتۇرىدىكەن.

مىيامىنىڭ سۇرفسايد رايونىدىكى 40 يىللىق تارىخقا ئىگە 12 قەۋەتلىك بىر بىنانىڭ بىر قىسمى  24 – ئىيۇن تۇيۇقسىزلا ئۆرۈلۈپ چۈشكەنىدى.

رايون مەسئۇللىرىنىڭ 2018-يىلى بىنا باشقۇرۇش ھەيئىتىگە مەكتۇپ يوللاپ، 1981-يىلى سېلىنغان مەزكۇر بىنانىڭ قۇرۇلمىسىنىڭ ئېغىر خەۋپ ئاستىدا ئىكەنلىكى توغرىسىدا ئاگاھلاندۇرغانلىقى ئاشكارىلانغانىدى.