yemende 26 husiy ezasi öltürüldi
yemen armiyesi we seudi erebistan bashchiliqidiki ereb ittipaqdash küchliri bilen iran qollawatqan husiylar otturisida yüz bergen shiddetlik toqunushlarda 26 husiy ezasi öltürüldi.
türkiye awazi radiyosi xewiri: yemen armiyesige qarashliq 3 – herbiy rayon axbarat wasitiliri merkizi teripidin élan qilinghan yazma bayanatta bildürülüshiche, husiylar meghrib shehirining gherbidiki sarwah yézisida yemen armiyesining kontrolluqidiki nuqtilargha hujum qilghan.
terepler otturisida yüz bergen toqunushta 26 husiy ezasi öltürülgen.
yene bir tereptin, husiylargha qarashliq «‹elmesire› téléwiziyesi» ning xewer qilishiche, yemen armiyesi we seudi erebistan bashchiliqidiki ereb ittipaqdash küchlirige ait urush ayropilanliri, meghribning sarwah yézisini uda 24 qétim bombardiman qilghan, ragwan we medgal yézilirighimu 5 qétim hujum qilghan.
meghrib shehiride shiddetlik toqunushlar dawamlishiwatqan bir peytte, yemen bash ministiri muin abdulmelik, birleshken döletler teshkilati we xelqara jemiyetke bolghan chaqiriqta, irangha qarshi ünümlük tedbirlerning qollinishini telep qilghan.
yemen agéntliqining xewer qilishiche, abdulmelik, iranni yemendiki urushning dawamlashturulushida ching turush bilen eyibligen.
مۇناسىۋەتلىك خەۋەرلەر
