isirailiye parlaménti yéngi pirézidéntni saylidi

türkiye awazi radiyosi xewiri: isirailiye parlamént ezaliri wezipe ötesh mudditi toshushqa az qalghan pirézidént réyuwn riwlin (Reuevn Rivlin) ning ornigha yéngi pirézidéntni saylash üchün bélet tashlidi.

ishchilar partiyesining sabiq reisi issaq hérzog bilen ishghal astidiki iyordan deryasining gherbiy qirghiqi bilen sherqiy quddus otturisidiki giwat zééw (Givat Ze'ev) yehudiy olturaq rayonida yashighan marakeshte tughulghan siyonist paaliyetchi miriyam pérétz (Miriam Peretz) özara riqabetleshti.

hérzog birinchi qétimliq bélet tashlashtila, 120 parlamént ezasining 87 sining awazigha érishti. reqibi pérétz 27 awazgha érishti. buning bilen, hérzog isirailiyening 11-nöwetlik pirézidéntliqigha saylanghan boldi.

yehudiy agéntliqining bashliqi bolghan 60 yashliq hérzog 1983-1993-yilliri arisida wezipe ötigen isirailiyening 6-nöwetlik pirézidénti chayim hérzog (Chaim Herzog) ning oghli bolup, u 2013-yildin 2017-yilighiche ishchi partiyesining reisi bolghan.

u hazirqi pirézidént réyuwn riwlin 9-iyul (2021) da wezipe mudditini toshquzghandin kéyin, pirézidéntliq ornigha olturidu.

isirailiyede pirézidént yette yil wezipe öteydighan bolup, simwolluq menige ige. pirézidént mehbuslarni kechürüm qilish, bash elchilerning ishench mektuplirini qobul qilish we hökümetlerni teshkillesh üchün wekillerni teyinlesh qatarliq cheklik hoquqlargha ige.