yawropa ittipaqi kembeghel döletlerge waksina iane qilishni qarar qildi
bélgiye paytexti biryussélda ötküzülgen we ikki kün dawamlashqan yawropa ittipaqi rehberler yighini axirlashti.
türkiye awazi radiyosi xewiri: wuxen wirusi(Kovid-19) we kilimat özgirishi muzakire qilinghan yighinda, yawropa ittipaqi rehberliri kembeghel döletlerge waksina iane qilish mesiliside kélishim hasil qildi.
rehberler b d t ning töwen we ottura kirimlik döletlerning waksinagha barawer érishelishini kapaletke ige qilidighan pirogrammini qollaydighanliqlirini qayta tekrarlidi.
yighinda, kembeghel döletlerge mushu yil (2021) axirighiche eng az dégende, 100 milyon waksina iane qilish qarar qilindi.
yawropa ittipaqi komitéti bashliqi ursula fondér léyin (Ursula von der Leyen) yawropa ittipaqida iyul éyi (2021) ning axirighiche nopusning %70 ni pütünley emlesh nishanigha qarap ilgirilewatqanliqlirini bildürdi.
u: «mushundaq dawam qilsaq, bixeter échilishni emelge ashuralaydighanliqimizgha ishinimen» dédi.
u yawropa ittipaqining öz ichide küchke ige bolidighan we sayahetlerde ishlitilidighan waksina kénishkisi üchünmu uchur asasiy qurulmisining teyyar ikenlikini eskertti.
rehberler kilimat özgirishi mesilisinimu muzakire qildi. yawropa kéngishining bashliqi charliz mishél (Charles Michel) mundaq dédi:
«2050-yilighiche kilimatqa ziyan salmaydighan qite bolush mesilisidiki ortaq nishanimizni mueyyenleshturduq.»
engliye-yawropa ittipaqi munasiwetliri, ottura sherqning nöwettiki weziyiti, rusiye we bélarusiye mesililirimu, rehberlerning küntertipide idi.
مۇناسىۋەتلىك خەۋەرلەر
