بۇلغارىيەدىكى پارتىيەلەرنىڭ ھېچقايسىسى ھۆكۈمەت قۇرۇش ئۈستۈنلۈكىگە ئېرىشەلمىدى

تۈركىيە ئاۋازى رادىيوسى خەۋىرى: ئاۋاز ساندۇقىدىكى نەتىجىلەرگە قارىغاندا، باش مىنىستىر بويكو بورىسوۋ رەھبەرلىك قىلىۋاتقان بۇلغارىيەنىڭ ياۋروپالىق تەرەققىياتى ئۈچۈن يۇرتداشلار پارتىيەسى(GERB)  سايلامدا بىرىنچى ئورۇننى ئىگەللىگەن.

بۇلغارىيەنىڭ ياۋروپالىق تەرەققىياتى ئۈچۈن يۇرتداشلار پارتىيەسى %24.2 ئاۋازغا ئېرىشكەنلىكى ۋە 240 كىشىلىك پارلامېنتتا 69 ئورۇنغا ئىگە بولغانلىقى قەيت قىلىندى.

بۇ قېتىمقى سايلامدا قاتنىشىش نىسبىتى %47.5 گە يەتكەن بولۇپ، رەسمىي بولمىغان نەتىجىلەرگە ئاساسەن، يېڭى مەزگىلدە پارلامېنتقا يەتتە پارتىيەنىڭ كىرگەنلىكى ئەسكەرتىلدى. تىزىمغا ئېلىنغان 6 مىليون 355 مىڭ 633 سايلىغۇچى بار بۇلغارىيەدە، مەزكۇر سايلامدا 30 سىياسىي پارتىيە ۋە بىرلەشمىلەردىن بولۇپ 6 مىڭ 895 نامزات ئۆزئارا رىقابەتلەشتى.

سايلامنىڭ رەسمىي نەتىجىلىرى ئىككى كۈندىن كېيىن ئېلان قىلىنىدۇ.