ئەرمېنىيەدە «ئارمىيە باش ئىشتاب باشلىقى» كىرىزىسى چوڭقۇرلاشماقتا

تۈركىيە ئاۋازى رادىيوسى خەۋىرى: ئەرمېنىيە پىرېزىدېنتى ئارمېن ساركىسيان بىلەن باش مىنىستىر نىكول پاشىنيان ئوتتۇرىسىدىكى «ئارمىيەسى باش ئىشتاب باشلىقى كىرىزىسى» ئارمىيەنىڭ پاشىنياننى ئىستېپا بېرىشكە چاقىرغان باياناتى بىلەن باشلانغان؛ پاشىنيان چاقىرىققا «سىياسىي ئۆزگىرىش قوزغاشقا ئۇرۇنۇش» دەپ باھا بېرىپ، باش ئىشتاب باشلىقى گاسپارياننى ۋەزىپىسىدىن ئېلىپ تاشلىغانلىقىنى ئۇقتۇرغانىدى.

ئەرمېنىيە پىرېزىدېنتى قارارنامەنى تەستىقلىمىغان بولسىمۇ، پاشىنيان قانۇننىڭ روھىغا ئاساسەن، گاسپارياننىڭ ۋەزىپە ئۆتەش مۇددىتىنىڭ ئاخىرلاشقانلىقىنى ئۇقتۇرغان، گاسپاريان بولسا، مەمۇرىي ئىشلار سوت مەھكىمىسىگە ئەرز سۇنغانىدى.

گاسپارياننىڭ ئادۋوكاتى، مەھكىمىنىڭ ھەل قىلغۇچ قارار چىقىپ بولغۇچە ئارمىيەسى باش ئىشتاب باشلىقىنىڭ ۋەزىپە ئۆتەشنى داۋاملاشتۇرۇشىغا ھۆكۈم قىلغانلىقىنى ئۇقتۇردى.