rusiye 7 – g guruhi we yawropa ittipaqini eyiblidi

türkiye awazi radiyosi xewiri: rusiye tashqi ishlar ministirliqi teripidin élan qilinghan yazma bayanatta, amérika qoshma ishtatliri, kanada, firansiye, italiye, engliye we yaponiyedin teshkil tapqan 7 – g guruhi elliri bilen yawropa ittipaqi aliy wekilining, rus öktichi alékséy nawalniyning qolgha élinishini eyiblep élan qilghan ortaq bayanatigha naraziliq bildürüldi.

rusiyening xelqara qanunni depsende qilghanliqigha alaqidar eyibleshlerning «asassiz» ikenliki eskertilgen bayanatta, «bu bayanatni ichki ishlirimizgha qopalliq bilen arilishish we düshmenlerche tashlanghan bir qedem dep qaraymiz»  déyildi.

7 – g guruhi ellirining xelqara sehnidiki rolini yoqatqanliqi ilgiri sürülgen bayanatta, mundaq déyildi: «7 – g guruhi elliri bilen yawropa ittipaqini xelqaraliq qanun – belgilimiler we pirinsiplargha riaye qilishqa, heqiqetni burmilash we bashqa urush taktikilirini ishlitishtin waz kéchishke, öz puqralirining qiyinchiliqlirini hel qilishqa bekrek ehmiyet bérishke chaqirimiz.»

7 – g guruhi elliri bilen yawropa ittipaqi aliy wekili, seyshenbe küni, rus  öktichi alékséy nawalniyning qolgha élinishini eyiblep ortaq bayanat élan qilghan we moskwa hökümitini nawalniyni derhal qoyup bérishke chaqirghanidi.