xitay: rusiye bilen istiratégiyelik hemkarliqimizning chéki yoq

türkiye awazi radiyosi xewiri: xitay: wang yi, shinxua agéntliqi we xitayning merkizi téléwiziye qanili (CCTV) ge bergen bayanatida, mundaq dédi: «aldinqi yili rusiye – xitay munasiwetliri kowid – 19 yuqumi siniqidin ötüp we özgirishlerning xirislirigha berdashliq bérip, her jehettin tarixtin buyanqi eng yüksek sewiyege yetti.»

u, ikki dölet xelqlirining «kowid – 19» yuqumigha qarshi küreshte özara yardem bérip we bir – birini qollap kéliwatqanliqini eskertish bilen bir waqitta, tereplerning «kowid – 19» yuqumini kontrol qilish we aldini élish saheside, waksina we dorilarni tetqiq qilip yasashta zich hemkarliq ornitishni izchil dawamlashturidighanliqini tekitlep mundaq dédi: «her ikki terepmu ishlar we ishlepchiqirishning qaytidin bashlinishini pütün küchi bilen qollimaqta, zenjirsiman ishlepchiqirish we zakaz qilishni ishqa ashurmaqta, bu sayida chong – chong layiheler muqim halette algha ilgirilimekte, digital iqtisad we tor sodisi qatarliq yéngi formatsiye we modéllarda hemkarliqning dairisi tézlik bilen kéngeymekte.»