portugaliye yawropa ittipaqining nöwetchi reislikini gérmaniyedin ötküzüwaldi

türkiye awazi radiyosi xewiri: portugaliye yawropa ittipaqida mushuning bilen 4 - qétim nöwetchi reislik wezipisini ötigen bolidu.  

portugaliyening nöwetchi reislikide yawropa ittipaqining kelgüsi 6 ay ichidiki asasliq küntertipi, kowid-19 yuqumi we brékistqa merkezleshken halda dawamlishidu.

yawropa ittipaqining bu jeryanda bolupmu yuqumning ijtimaiy iqtisadiy tesirini azaytish üchün chiqirilghan qararlarning yolgha qoyulushi, waksina emlesh jeryani we brékist kélishimining netijisi keltürüp chiqiridighan muhitqa bekrek ehmiyet béridighanliqi mölcherlenmekte.

yawropa ittipaqining yéqinqi yillardin buyanqi aldinqi qatardiki xizmetliri bolghan ékologiye we digital ötkünchi pilanlarmu portugaliyening wezipe ötesh mezgilide küntertipke kélidu.

xelqara kün tertipining qiziq nuqtisi bolghan sherqiy aq déngiz, liwiye we süriye mesilisidin bashqa türkiye – yawropa ittipaqi munasiwetlrimu portugaliyening nöwetchi reisliki mezgilide muzakire qilinidighan témilarning birsi bolidu.

amérikaning 46 - nöwetlik pirézidénti bolup saylanghan jo baydén 20 - yanwarda wezipige olturghandin kéyin, donald tramp dewride tézdin nacharlashqan amérika-yawropa ittipaqi munasiwetliriningmu eslige kélishke yönilishi mölcherlenmekte.

yawropa ittipaqining nöwetchi reisliki portugaliyedin kéyin 1 - iyulda slowéniyege ötküzüp bérilidu.