xitay amérika hökümiti testiqlighan tibet qanunigha  naraziliq bildürdi

türkiye awazi radiyosi xewiri: xitay tashqi ishlar ministirliqi bayanatchisi jaw lichin béyjingda ötküzülgen qerellik muxbirlarni kütüwélish yighinida amérika prézidénti donald tramp imzalighan 2020 - yilliq tibet siyasiti we qollash qanunigha qetiy qarshi turidighanliqini jakarlidi.

yayanatchi jaw: «tibet xitayning zémin pütünlüki we igilik hoquqigha munasiwetlik mesilidur we qetiy halda xitayning ichki ishidur.  her qandaq tashqi küchning arilishishigha yol qoyushqa bolmaydu» dédi.

jaw amérikani tibetke we xitayning ichki ishlirigha arilishishni toxtitishqa shundaqla alaqidar qanunni ijra qilmasliqqa chaqiriq qilip, özara munasiwetlerning ziyangha uchrimasliqi üchün bu xil heriketlerdin uzaq turishi kéreklikini otturigha qoydi.

jaw yene, xongkongdin teywenge ötüwatqanda qolgha élinghan 12 xongkong puqrasining  qoyup bérilishi üchün amérikaning béyjingda turushluq bash elchixanisining yollighan telipi üstidimu toxtilip, amérika terepning bu telep arqiliq pakitlarni körmeske séliwatqanliqini, toghra bilen xatani arilashturuwetkenlikini tekitlidi hemde bu kishilerning délosining sotlinish basquchida ikenlikini éytti.

tramp imzalighan qanunda, xitayning tibet aptonom rayonida konsulxana échishqa yol qoyulishini we kéler qétimliq dalay lamaning tibet buddist xelqi teripidin teyinlinishige kapaletlik qilinishini hemde buninggha xitay xökümitining arilashmsliqini kapaletke ige qilish üchün xelqaraliq bir ittipaq qurulishini öz ichige alidu.  

shinjin jamaet xewipsizliki idarisi 14 – séntebir küni xongkongdin teywenge ötmekchi bolghan 12 öktichi shexsning qolgha élinghanliqini élan qilghan idi. mehbuslar sotqa tapshurulghan we  sotlash jeryanining  axbaratlargha yépiq bolidighanliqi élan qilinghan bolup,  mehbuslarning aile-tawabiatliri buninggha qattiq naraziliq bildürgen idi.