راۋالپىندى شەھىرىدە يۈز بەرگەن بومبا ھۇجۇمىدا  25 كىشى يارىلاندى

تۈركىيە ئاۋازى رادىيوسى خەۋىرى: ساقچى خادىملىرى گەنجە ماندى ساقچىخانىسىنىڭ يېنىدا قول بومبا ھۇجۇمى يۈز بەرگەنلىكىنى بىلدۈردى.

پارتلاشتا دەسلەپكى ئېنىقلاشلارغا ئاساسلانغاندا 25 كىشى يارىلانغان، ئۇلاردىن 3 كىشىنىڭ ئەھۋالى ئىنتايىن ئېغىر.

راۋالپىندىدا يېقىنقى 10 كۈن ئىچىدە ساقچىخانىغا مۇشۇنىڭ بىلەن ئىككى قېتىملىق ھۇجۇم قىلىندى.

4 – دىكابىردا پىر ۋاداخاي ساقچىخانىسى ئەتراپىدا يەرلىك ئۇسۇلدا ياسالغان بومبا پارتلىتىلغان ۋە ھۇجۇمدا 1 كىشى قازا قىلىپ ، 7 كىشى يارىلانغان ئىدى.

ھەر ئىككى ھۇجۇمنىڭ جاۋاپكارلىقىنى تېخىچە ھېچ كىشى ئۆز ئۈستىگە ئالمىدى.