iran fahrizade suyiqestining bezi jawabkarlirining qolgha chüshürülgenlikini uqturdi

türkiye awazi radiyosi xewiri: iran parlaménti bashliqining xelqara munasiwetlerge mesul alahide wekili hüseyin emir abdullahiyan, yadro alimi muhsin fahrizade suyiqestining bezi jawabkarlirining qolgha chüshürülgenlikini ashkarilidi.

abdullahiyan iranning erebche tarqitish béridighan «elalem» qanilining ziyaritini qobul qilghanda weqe toghrisida melumat berdi we bu heqtiki tepsilatlarning alaqidar organlar teripidin élan qilinidighanliqini bildürdi.

iran yadro pilanidiki muhim shexslerning biri bolghan muhsin fahrizade 27 - noyabir téhran ölkisining demawend rayonidiki bir tash yolda kétiwatqanda suyiqestke uchrap qaza qilghanidi.

ferizade suyiqestke uchrighandin kéyin, iran israiliyeni eyiblep bayanatlarni élan qilghanidi.

iran prézidénti hesen ruhani fahrizadening öltürülüshining israiliyening toziqi ikenlikini, bu suyqestning jawabining muwapiq peytte bérilidighanliqini éytqanidi.

israiliye bash ministiri bunyamin nétanyahu eyibleshlerge jawab bérishni ret qilip: «soghuqchiliqlar bizni kütüwatidu» dégenidi.

hetta u 2018 - yili 4 – aydiki bir sözide iranliq yadro alimi fahrizadege isharet qilghan halda «bu isimni ésingizlarda ching tutunglar» dégenidi.