ئەزەربەيجان ئارمىيەسى ئەرمېنىيە قىسىملىرىغا ئالدىنقى سەپتە ئېغىر زەربە بەرمەكتە

تۈركىيە ئاۋازى رادىيوسى خەۋىرى: ئەزەربەيجان دۆلەت مۇداپىئە مىنىستىرلىقىنىڭ باياناتىدا، توقۇنۇشنىڭ ئاساساسەن ئالدىننقى سەپتىكى ئاغدام، خوجاۋەند ۋە گۇبادلى يۆنىلىشىدە داۋاملىشىۋاتقانلىقى بىلدۈرۈلدى.

مۇشۇ 24 سائەتتە ئالدىنقى سەپنىڭ ئوخشىمىغان جايلىرىدا ئەرمېنىيە قىسىملىرىغا تەۋە 4 «گراد» باشقۇرۇلىدىغان بومبا سىستېمىسى، ئوخشىمىغان 10 خىل زەمبىرەك، ئوق-دورا بىلەن تولغان 3 يۈك ئاپتوموبىلى ۋە 5 ئادەتتىكى ھەربىي ئاپتوموبىلنىڭ پاچاقلاپ تاشلانغانلىقى شۇنداقلا نۇرغۇنلىغان ئەرمېنىيە ئەسكەرلىرىنىڭ ئۇجۇقتۇرۇلغانلىقى ئېلان قىلىندى.

ئەرمېنىيە قىسىملىرىنىڭ ئالدىنقى سەپتىكى بەزى جايلاردا ئەسكەرلىرى ۋە ھەربىي ئۈسكۈنىلىرى ئېغىر يوقۇتۇشقا ئۇچراپ چېكىنىشكە مەجبۇر بولغانلىقى، قورال-ياراغ ، ئوق-دورا ۋە يېمەكلىكلىرىنىڭ تۈگىگەنلىكى بىلدۈرۈلدى.

ئالدىنقى سەپنىڭ ئەزەربەيجان ئارمىيەسىنىڭ كونتروللۇقىدا ئىكەنلىكى تەكىتلەندى.