مالايشىيا قىرغىقىدا 6 كۆچمەننىڭ جەسىتى تېپىلدى

تۈركىيە ئاۋازى رادىيوسى خەۋىرى: مالايشىيا دېڭىز قىرغىقى مۇھاپىزەت ئەترىتىنىڭ باياناتىدا، تۈنۈگۈن (2020-يىلى 20-سېنتەبىر)  ئەتىگەندە دېڭىز بويىدىكى جوخور ئۆلكىسىگە قاراشلىق كوتا تىڭگى دېڭىز ساھىلىدا 6 كىشىنىڭ جەسىتىنىڭ تېپىلغانلىقى بىلدۈرۈلدى.

دېڭىز قىرغىقى مۇھاپىزەت ئەترىتى باياناتچىسى ھۈسەيىن زامورا كۆچمەنلەرنىڭ ھىندونېزىيەلىك ئىكەنلىكىنى بىلدۈرۈپ: «جەسەتلەرنى تاپقاندىن كېيىن، ۋەقە يۈز بەرگەن جايدىن بىر كىلومېتىر يىراقلىقتا ئوخشاش كۆچمەن گۇرۇپپىسىغا تەۋە 6 نەپەر ھىندونېزىيە پۇقراسىنى نازارەتكە ئالدۇق» دېدى.

ھۈسەيىن زامورا جېنىدىن ئايرىلغانلارنىڭ 4 نەپىرىنىڭ ئايال، 2 نەپىرىنىڭ ئەر ۋە ئۇلارنىڭ 31 ياشتىن 46 ياشقىچە ئىكەنلىكىنى تەكىتلىدى.

ھۈسەيىن زامورا جەسەتلەرنىڭ قانۇن دوختۇرخانىسىغا ئېلىپ بېرىلغانلىقىنى ۋە نازارەتكە ئېلىنغانلارنىڭ چېگرادىن قوغلاپ چىقىرىلىدىغانلىقىنى ئۇقتۇردى.