hindistan wirusqa taqabil turush tedbirlirige qarshi namayish ötküzüldi

türkiye awazi radiyosi xewiri:  bash ministir naréndra modining, «wuxen wirusi» gha qarshi küresh tedbirliri dairiside dölet miqyasida kochigha chiqish cheklimisining mudditining uzartilghanliqini jakarlishidin kéyin, bombay shehiride minglarche kishi  naraziliq namayishi ötküzdi.

dölette, kochigha chiqish cheklimisi sewebidin karantin astigha élinghan ishchilarning karantin merkezliridin qachqanliqi bildürüldi.

pakistanda «wuxen wirusi» sewebidin ölgenler sani 107 ge, yuqumlanghanlar sani 5988 ge yetti.

25 kishi ölgen, 784 kishi yuqumlanghan afghanistanda, «wuxen wirusi» gha taqabil turush üchün paytext kabulnimu ilham eliyéw köpligen sheherlerde kochigha chiqish cheklimisi yolgha qoyuldi. wirus barliq rayonlargha tarqap ketkendin kéyin, köpligen sheherlerge kirish – chiqish meniy qilindi.

dunya miqyasida «wuxen wirusi» sewebidin ölgenler sani 125 minggha yetti, saqayghanlar sani 480 mingdin, yuqumlanghanlar sani 2 milyondin ashti.

wirus sewebidin ölgenler sani 3 ming 342 ge yetken xitayda, yéqinqi 24 saet ichide 24 kishi öldi, 46 kishi yuqumlandi. shuning bilen, dölet miqyasida yuqumlanghanlar sani 82 ming 295 ke yetti.

118 kishi hayatidin ayrilghan israiliyede, 8 künlük bir bowaqnimu öz ichige alghan 12046 kishi yuqumlandi. bowaqning salametlik ehwalining yaxshi ikenliki bildürüldi.

iranda 4683 kishi hayatidin ayrildi, 74877 kishi yuqumlandi. iranning isfahan ölkiside 23 kishi ammiwi taratqularda «wuxen wirusi» heqqide yalghan uchur tarqitish we tetür teshwiqat élip bérish bilen eyiblinip qolgha élindi.

rusiyede «wuxen wirusi» sewebidin ölgenler sani 198 ge, yuqumlanghanlar sani 24 ming 490 gha yetti.

jenubiy koriyede wirus bilen yuqumlanghanlar sani 11 minggha yéqinlashti.

wirus bilen yuqumlanghanlar sani 1199 gha yetken qazaqistanda jiddiy halet cheklimisining mudditi 1 – mayghiche uzartildi.

13 kishi qaza qilghan ezerbeyjande 1197 kishi yuqumlandi. ezerbeyjan pirézidénti ilham eliyéw, gerche «wuxen wirusi» gha qarshi küresh tedbirliri iqtisadqa selbiy tesir körsitiwatqan bolsimu, lékin bu tedbirlerning insan salametliki üchün zörür ikenlikini tekitlidi.

«wuxen wirusi» sewebidin 4 kishi qaza qilghan özbékistanda 1100 kishi yuqumlandi.

moldawiyede 38 kishi öldi, 1799 kishi yuqumlandi.

bélarusiye sehiye ministirliqi, dölette «wuxen wirusi» sewebidin ölgenler sanining 33 ke, yuqumlanghanlar sanining 80 bala bilen qoshulup 3281 ge yetkenlikini jakarlidi.

wirus sewebidin 3 kishi hayatidin ayrilghan, 299 kishi yuqumlanghan giruziyede, paytext tiflisni öz ichige alghan kutaysi, batumi, rustawi sheherliride, bügündin bashlap uda 10 küngiche barliq kirish – chiqish éghizlirining taqilidighanliqi bildürüldi.

«wuxen wirusi» sewebidin ölgenler sani aljiriyede 326 ge, seudi erebistanda 73 ke yetti.

iraqta 78 kishi öldi, 1400 kishi yuqumlandi.

tunista 34 kishi qaza qildi, «ittihad bin qirdan» putbol komandisi mahirliridin ömer zekrinimu öz ichige alghan 727 kishi yuqumlandi.

giwiniyede «wuxen wirusi» sewebidin tunji ölüm hadisisi körüldi, 363 kishi yuqumlandi.

afriqa qiteside qaza qilghanlarning sani 874 ke, yuqumlanghanlar sani 16 ming 285 ke yetti. lésotho we komorlar birlikide bolsa téxiche héchqandaq yuqum ehwali körülmidi.