ئىتتىپاقداش كۈچلەرنىڭ ئىراقتىكى بازىسى ھۇجۇمغا ئۇچراپ 3 ئەسكەر ئۆلدى
ئىراقتا ئامېرىكا ئەسكەرلىرى تۇرۇۋاتقان تاجى ھەربىي بازىسى كاتيۇشا ناملىق راكېتامىيوت ھۇجۇمىغا ئۇچراپ، ئىتتىپاقداش قىسىملارنىڭ 3 ئەسكىرى ئۆلدى، 12 ئەسكىرى يارىلاندى.
![ئىتتىپاقداش كۈچلەرنىڭ ئىراقتىكى بازىسى ھۇجۇمغا ئۇچراپ 3 ئەسكەر ئۆلدى](http://cdn.trt.net.tr/images/xlarge/rectangle/427a/ed2a/39c8/5e69d671362db.jpg?time=1719175256)
تۈركىيە ئاۋازى رادىيوسى خەۋىرى: ئامېرىكا باشچىلىقىدىكى دائېشقا قارشى تۇرۇش بىرلەشمىسى، ئىراقتىكى ئىتتىپاقداش قىسىملار تۇرۇشلۇق تاجى ھەربىي بازىسىنىڭ راكېتامىيوت ھۇجۇمىغا ئۇچرىغانلىقىنى، ۋەقەدە 3 ئەسكەرنىڭ قازا قىلغانلىقىنى ، 12 كىشىنىڭ يارىلانغانلىقىنى ئۇقتۇردى.
باياناتتا، « ئىتتىپاقداش قىسىمنىڭ 3 خادىمى 11-مارت تاجى لاگېرىغا قىلىنغان راكېتامىيوت ھۇجۇمىدا قازا قىلدى، 12 خادىم يارىلاندى» دېگەن ئىبارىلەرگە ئورۇن بېرىلدى ۋە ئامېرىكا بىلەن ئىراق بىخەتەرلىك قىسىملىرىنىڭ ھۇجۇمنى تەكشۈرۈشنى باشلىغانلىقى قەيت قىلىندى.
ئىگىلىنىشچە ، بۇ ھۇجۇم 18 دانە 107 مىللىمېتىرلىق كاتيۇشا ناملىق راكېتامىيوت بىلەن قىلىنغان بولۇپ ، ئىراق بىخەتەرلىك قىسىملىرى راكېتا قويۇپ بېرىلگەن ئاپتوموبىلنى تاجى لاگېرىغا نەچچە ئىنگلىز مىلى كېلىدىغان يىراقلىقتىن تاپقانلىقىنى ئۇقتۇردى.
مۇناسىۋەتلىك خەۋەرلەر
![لىۋان ھىزبۇللاھى: ئىسىرائىلىيە پۇشايمان قىلىدۇ](http://cdn.trt.net.tr/images/medium/rectangle/3cc3/db28/e5e7/571459f87d3d8.jpg?time=1719175256)
لىۋان ھىزبۇللاھى: ئىسىرائىلىيە پۇشايمان قىلىدۇ
لىۋان ھىزبۇللاھى ئىسىرائىلىيە ھۇجۇم قىلسا «پۇشايمان» قىلىدىغانلىقى توغرىسىدا ئاگاھلاندۇردى.