قاتار ئەمىرى تۇنىستا زىيارەتتە بولماقتا

تۈركىيە ئاۋازى رادىيوسى خەۋىرى: قاتار ئەمىرى شەيخ تەمىم بىن ھەمەد ئال سانى پايتەخت تۇنىستىكى قىرتاجە خەلقئارا ئايرودۇرۇمىدا پىرېزىدېنت قەيس سەئىد تەرىپىدىن رەسمىي مۇراسىم ئۆتكۈزۈلۈپ كۈتۈۋېلىندى.

تۇنىس پىرېزىدېنتلىق مەھكىمىسىنىڭ يازما باياناتىغا قارىغاندا، سەئىد بىلەن ئال سانى قىرتاجە سارىيىدا ئايرىم كۆرۈشكەن، ئارقىدىن ھەيئەتلەرئارا سۆھبەتلەر باشلانغان؛ ئۇچرىشىشلاردا نۇقتىلىق ھالدا ئىككى دۆلەت ئارىسىدىكى ھەمكارلىقنىڭ گۈللەندۈرۈشنىڭ يوللىرى، ئورتاق ئەھمىيەتكە ئىگە رايون ۋە خەلقئارالىق مەسىلىلەر توغرىسىدا پىكىر ئالماشتۇرۇلغان.

ئىيوردانىيەدىن كېيىن تۈنۈگۈن چەت ئەل زىيارىتىنىڭ ئىككىنچى بېكىتى بولغان تۇنىسقا يېتىپ بارغان قاتار ئەمىرى ئال سانىنىڭ، بۇ يەردىكى زىيارىتىنى ئاخىرلاشتۇرۇپ ئالجىرىيەگە ئۆتۈشى پىلانلانماقتا.