تالىبان ئەزالىرى تەسلىم بولدى

تۈركىيە ئاۋازى رادىيوسى خەۋىرى: ئافغانىستاننىڭ غەربىدىكى 207-ئارمىيە قوماندانلىق ئىشتابىنىڭ ئاخبارات ئىشلىرى مەسئۇلى سايەد ئاكازىيا ھۈسەينى تەسلىم بولغان تالىبان ئەزالىرى توغرىسىدا بايانات ئېلان قىلدى.

ئۇ باياناتىدا، ئافغانىستان خەۋپسىزلىك قىسىملىرىنىڭ بېسىمى نەتىجىسىدە گور ۋە ھېرات ۋىلايەتلىرىدە ھەرىكەت قىلىۋاتقان 172 تالىبان ئەزاسىنىڭ قوراللىرى بىلەن كېلىپ تەسلىم بولغانلىقىنى بىلدۈردى.

باياناتتا، تەسلىم بولغانلار ئارىسىدا تالىباننىڭ رايوندىكى ئاتالمىش كاتتىباشلىرىدىن ئۈچىنىڭ بارلىقى ئەسكەرتىلدى.

ئافغانىستان دۆلەت مۇداپىئە مىنىستىرلىقىمۇ يېقىنقى بىر ئايدا دۆلەتنىڭ غەربىدە تېررورلۇق ۋەقەسى پەيدا قىلغان 582 تالىبان ئەزاسىنىڭ تەسلىم بولغانلىقىنى ئېلان قىلدى.