wuxen wirusi bilen ölgenlerning sani köpeymekte

türkiye awazi radiyosi xewiri: xitay sehiye komitétining bayanatigha asaslanghanda, tibet aptonom rayonidin bashqa hemme ölke, aptonom rayon we alahide memuriy rayonlargha tarqalghan wuxen wirusi bilen yuqumlanghanlarning sani, ehwali éghir bolghan 461 bémarni qoshup hésablighanda 2744 ke yetken. xongkongda wirusqa munasiwetlik sekkiz, makaw (awmén) da besh we teywende töt weqe körülgen.

wuxen wirusi bilen yuqumlanghanliqi guman qilinghanlarning 5794 ke, wirus bilen yuqumlanghan kishiler bilen uchrashqanliqi sewebidin dawaliniwatqanlarning sani 30 ming 453 ke yetken. wirus bilen yuqumlanghanlardin bügüngiche 51 kishi dawalinip yaxshilanghandin kéyin doxturxanidin chiqqan. xubéyda 76 kishi, xénen, shangxey, xéylongjyang we xébiyda birdin bolup jemiy 80 kishi ölgen. wirus bilen yuqumlanghanlarning sani jehette xubéy birinchi orunda turidighan bolup 1423 kishi, béyjingda 68 kishi, shangxeyde 53 kishi yuqumlanghan.

31-yanwar axirlishidighan chaghanning waqtini 3-féwralghiche uzartilidighanliqi, mekteplerning tetil waqtini uzartishqa munasiwetlik xizmetlerningmu ishliniwatqanliqi élan qilindi.

siyasiy biyuro daimiy komitéti yighinida, wirustin mudapielinish xizmet guruppisining qurulghanliqi we bu guruppigha xitay bash ministiri li kéchyangning mesul bolidighanliqi bildürüldi.

dölet miqyasida kishilerning yötkilishini we heriket qilishini azaytish tedbirlirini élish chaqiriq qilinghan yighinda, intérnét arqiliq xizmet qilish modélini qollashning telep qilinghanliqi eskertildi.

xubéy ölkisining wuxen shehiride wirus bayqalghandin kéyin, ölkidiki bezi sheherlerde ammiwi qatnash toxtitildi. nopusi 150 milyongha yétidighan guangdong we jyangshi ölkiliride mejburiy maska taqash tedbiri yolgha qoyuldi.

béyjing, shangxey, tyenjén we shien qatarliq sheherlerde uzun yolgha qatnaydighan aptobuslarning sheherge kirishi we chiqishi cheklendi.

yéqinqi künlerde wirus sewebidin ölgen kishilerning sani éshiwtqan bolsimu, wirusqa qarshi waksina yaki dora tépilmidi. wirus bilen yuqumlinishning zadi qaysi derijige yétidighanliqi éniq emes.

wirusning wuxende taqalghan «xunen su mehsulatliri baziri» din tarqalghanliqi ilgiri sürülmekte.