türkiye bilen rusiye liwiye mesilisini muzakire qildi
türkiye tashqi ishlar ministiri mewlüt chawushoghlu, dölet mudapie ministiri hulusi akar, rusiye tashqi ishlar ministiri sérgéy lawrow we rusiye dölet mudapie ministiri sérgéy shoyguning moskwadiki liwiye témiliq yighini bashlandi.
türkiye awazi radiyosi xewiri: liwiye témiliq yighinda, liwiyede tinchliq we muqimliqni kapaletke ige qilish muhakime qilinidu.
liwiye tereptin, qanunluq birleshme hökümetning bash ministiri fayiz essaraj bilen herbiy özgirish qozghighan xelife hafterning moskwada uchrishidighanliqi kütülmekte.
diplomatik menbeler, urush toxtitish kélishimining imzalinish éhtimalining barliqini bildürmekte.
türkiye tashqi ishlar ministiri mewlüt chawushoghlu, dölet mudapie ministiri hulusi akar we milliy istixbarat idarisi bashliqi hakan fidandin terkip tapqan türkiye heyiti, moskwada liwiye birleshme hökümitining bash ministiri fayiz essaraj bilen körüshti.
türkiye jumhur reisi rejep tayyip erdoghan bilen rusiye pirézidénti wladimir putin 8-yanwar liwiyediki barliq tereplerni urush toxtitishqa chaqirghan idi.
12-yanwar (2020) liwiyede birleshme hökümet bilen urushuwatqan hafter küchlirining qobul qilishi bilen, urush toxtitish ijra qilinghan idi.
مۇناسىۋەتلىك خەۋەرلەر
