خىتاي ئامېرىكانىڭ ھەممىلا يېرىگە يېتىپ بارالايدىغان يېڭى باشقۇرۇلىدىغان بومبىسىنى سىناق قىلدى

تۈركىيە ئاۋازى رادىيوسى خەۋىرى: سىپۇتنىك ئاگېنتلىقىنىڭ خەۋەر قىلىشىچە، ۋاشىنگىتون پوچتا گىزىتىنىڭ ئامېرىكا دۆلەت مۇداپىئە مىنىستىرلىقىنى مەنبە كۆرسەتكەن خەۋىرىدە، باشقۇرۇلىدىغان بومبا سىناق قىلىنغان مانىۋېرنىڭ 22 –دېكابىردا سېرىق دېڭىزنىڭ غەربىي شىمالىدىكى بوخەي قولتۇقىدا ئېلىپ بېرىلغانلىقى قەيت قىلىنغان.

خەۋەردە، ئامېرىكا كۆزەتكۈچى سۇنئىي ھەمراھلىرىنىڭ باشقۇلىدىغان بومبىنىڭ ھەرىكەتلىرىنى تەقىپ قىلغانلىقى ئەسكەرتىلدى.

مانىۋېر ھەققىدە باشقا مەلۇمات بېرىلمىدى.

ئامېرىكا دېڭىز ئارمىيەسىنىڭ پىنسىيەگە چىققان سابىق كاپىتانى جامېس فانېل بۇ مانىۋېرنىڭ خىتاينىڭ ئامېرىكانى يادرو تەھدىت ئاستىدا تۇتۇش نيىتىنى ئاشكارىلىغانلىقىنى ئېيتتى.

خەۋەردە، «JL-3» ناملىق باشقۇرۇلىدىغان بومبىنىڭ يېقىنقى ئىككى ئايدا، ئەڭ ئاز دېگەندىمۇ 4 قېتىم سىناق قىلىنغانلىقى ئۇقتۇرۇلدى.