كونگودا كېمە كۆمتۈرۈلۈپ كېتىپ نۇرغۇن ئادەم يوقاپ كەتتى

تۈركىيە ئاۋازى رادىيوسى خەۋىرى: يەرلىك تاراتقۇلارنىڭ خەۋەر قىلىشىچە، ئۇگاندانىڭ كىتېبېرې شەھىرىدىن يولغا چىققان 22 كىشىلىك سودا كېمىسى، كونگو دېموكراتىك جۇمھۇرىيىتىنىڭ ئىيۇرى ۋىلايىتىدىكى ئالبېرت كۆلىدە شىددەتلىك بوران سەۋەبىدىن كۆمتۈرۈلۈپ كەتكەن. ۋەقەدە كېمىدىكى 4 ى ئايال بولۇپ، جەمئىي 11 كىشى جىددىي ئەھۋاللارغا تاقابىل تۇرۇش قوماندانلىق مەركىزى ئەترەتلىرى تەرىپىدىن قۇتقۇزۇۋېلىنغان. 11 ى بولسا يوقاپ كەتكەن.