نىيۇ يورك شەھىرىنىڭ 5 ئايرىم يېرىگە بومبا ئورۇنلاشتۇرۇلغانلىقى ھەققىدىكى خەۋەر ھەممىنى چۆچۈتتى
ئامېرىكانىڭ نىيۇ يورك شەھىرىدە 5 ئايرىم ئوت ئۆچۈرۈش ۋە جىددىي قۇتقۇزۇش مەركەزلىرىگە بومبا بىلەن تەھدىت سېلىندى.
1295815
تۈركىيە ئاۋازى رادىيوسى خەۋىرى: نىيۇ يورك ساقچى ئىدارىسى مەنبە كۆرسىتىلگەن خەۋەرلەرگە ئاساسلانغاندا، مانھاتتان رايونىدىكى 5 ئايرىم ئوت ئۆچۈرۈش ۋە جىددىي قۇتقۇزۇش مەركەزلىرىگە يەكشەنبە كۈنى چۈشتىن كېيىن سائەت 15:30 ئەتراپىدا بومبا بىلەن تەھدىت سېلىنغان.
تەھدىت خەۋىرىدىن كېيىن ساقچىلار مۇناسىۋەتلىك بىنالارنى قىسقا ۋاقىتلىق بېكارلاپ تەكشۈرۈش ئېلىپ بارغان.
ئوت ئۆچۈرۈش ئىدارىسى باياناتچىسى جەمېس لوڭ: «مۇناسىۋەتلىك مەركەزلەرگە سېلىنغان تەھدىتلەر تەكشۈرۈلدى. بومبا خەۋىرىنىڭ يالغان ئىكەنلىكى بايقالدى. ۋەقەدە يارىدار بولۇش ئەھۋالى كۆرۈلمىدى» دېدى.
نىيۇ يورك ساقچى ئىدارىسى باياناتچىسى ئېلان قىلغان باياناتتىمۇ، تەھدىتلەرگە ئالاقىدار تەكشۈرۈشلەرنىڭ داۋاملىشىۋاتقانلىقى قەيت قىلىندى.
