amérika iraqtiki daésh nishanlirigha 36 tonna bomba atti

türkiye awazi radiyosi xewiri: amérikining ortaq wezipe qismliri «tebiiy qetiy irade herikiti» qomandanliq ishtabi teripidin élan qilinghan yazma bayanatta, xelqara ittipaqdash qisimlar we iraq armiyesining salahiddin wilayitining qanus rayonigha qarita élip barghan ortaq herbiy herikitide, térrorluq teshkilati daésh nishanlirining pachaqlap tashlanghanliqi bildürüldi.

bayanatta, ittipaqdash qisimlarning «F-35» we «F-15» tipliq urush ayropilanliri bilen élip barghan herbiy herikeitide, 36 tonna bomba ishlitilgenliki, iraqqa tewe térrorluqqa qarshi alahide etretlirining bolsa, daésh nishanlirini qurghluqtin tazilash herikiti élip barghanliqi uqturuldi.

bayanatta iraq armiyesige qarashliq 2 – alahide heriket etritining qurughluqtin dawamlashturghan herikiti üstide toxtilip, daésh térrorchilirining musulning chöl rayoni bilen mahmur nahiyesi we kerkük otturisida birish kilish üchün qollanghan yollirini bit chit qilishqa tirishqanliqi eskertildi.

iraq qisimliri daéshning texminen 3 yil alqinida tutup kelgen musul qatarliq iraq zéminining üchten bir qismini 2017 – yili dikabir éyida pütünley tartip alghanliqini élan qilghan idi.

shundaqtimu daésh térrorchiliri iraqning enbar, diyala, kerkük, salahiddin we musul wilayetliri etrapida mewjutluqini dawamlashturup, amanliqni saqlash xadimlirigha we puqralargha pat – pat hujumlarni qilip kelmekte idi.