amérika ximiyelik qoral hujumigha beshshar esed hakimiytining jawabkar ikenlikini bildürdi
amérika beshshar esed hakimiyitining demeshiqning sherqiy guta rayonida ximiyelik qoral bilen hujum qilip 1400 din artuq ademni öltürgenlikige alte yil bolghanda, mezkur hujumgha beshshar esed hakimiyitini jawabkar dep qarash chaqiriqini qaytilidi.
türkiye awazi radiyosi xewiri: amérika tashqi ishlar ministirliqi beshshar esed hakimiyitining 2013-yili 21-awghust demeshiqning sherqiy guta rayonida puqralargha qilghan ximiyelik qoral hujumi toghrisida yazma bayanat élan qildi.
bayanatta, beshshar esed hakimiyiti qilghan hujumda jénidin ayrilghanlar xatirilendi. bayanatta mundaq déyildi:
«bu qirghuchi qorallarning téximu keng ishlitishining aldini élish we beshshar esed hakimiyitini bu éghir jinayetlerge jawabkar qilish mesilisidiki qetiy iradimizni tekrarlaymiz. beshshar esed hakimiyitining öz puqralirigha qarshi ishletken ximiyelik qoral hujumi untulmaydu we kengchilikmu qilinmaydu. beshshar esed we uning hakimiyitidikiler ximiyelik qoral bilen hujumini dawamlashturup jazalanmaymiz dep oylisa xatalashqan bolidu.»
bayanatta, amérikaning beshshar esed hakimiyitini mezkur hujumgha jawabkar, dégen qararining qetiy ikenliki tekitlinish bilen birge, bu qorallar kéyinki künlerde ishlitilgen teqdirde, beshshar esed hakimiyitining «éghir bedellerni töleshke mejbur bolidighanliqi» eskertildi.
beshshar esed hakimiyiti sekkiz yildin artuq dawam qilghan ichki urushta 216 qétim ximiyelik qoral ishletken. tunji qétimliq kölimi chong ximiyelik qoral hujumini 2013-yili 21-awghust demeshiqning sherqiy guta rayonida élip barghan. bu hujumda 1400 din artuq puqra jénidin ayrilghan bolup, xelqara jemiyetning küntertipige kelgen idi.
beshshar esed hakimiyitining qolida hélimu nurghun ximiyelik qoralning barliqi texmin qilinidu.
مۇناسىۋەتلىك خەۋەرلەر
