norwégiyediki jamege qilinghan térrorluq hujumining gumandari jinayitini étirap qildi

türkiye awazi radiyosi xewiri: pilip manshawusning adwukati unni frés norwégiye dölet téléwiziye qanili «NRK» gha bergen bayanatida, gumandarning éghiz échish qararigha kélip, saqchilarning soallirigha jawab bergenlikini we jinayitini étirap qilghanliqini bildürdi.

pilip manshawus paytext osloda mushu heptining béshida térrorluq hujumi we jinayiti bilen eyiblinip sotqa chiqirilghanda, eyibleshlerni ret qilghan we saqchilargha éghiz achmasliq hoquqini ishqa salghan idi.

norwgiyening «VG» géziti bolsa, hujum qilghuchi öltürgen ögey singlisining eslide tégi xitay ikenlikini we kichik waqtida béqiwilinghanliqini xewer qildi.

yene bir tereptin hujumgha uchrighan jameni ziyaret qilidighanlarning sani künsiri ashmaqta.

jamige qilinghan térrorluq hujumi xewer qilinghandin kéyin, norwégiye puqraliridin bashqa yene, nurghunlighan siyassy rehberler we paaliyetchiler arqimu - arqidin jameni ziyaret qilip, gül qoyushni bashlighan idi. 

barumda 10 – awghust küni bir kishi elnur islam merkizi jamesige quralliq hujum qilghan bolup, weqede bir kishi yaridar bolghan we gumandar nazaretke élinghan idi.