ayrodurumda xitaygha etkes qilinish éhtimali bolghan 2 milyon 800 ming dollarliq altun qolgha chüshti
kaméronning eng chong soda shehiri doula xelqara ayrodurumida 2 milyon 800 ming dollarliq etkes altun qolgha chüshürüldi.
türkiye awazi radiyosi xewiri: pil chishi sahiligha tewe bir xewerler torining xewer qilishiche, tamozhna memurliri éfiyopiye hawa yolliri shirkitige tewe bir ayropilanda yoluchilargha tarqitilidighan ediyalning ichige altun yoshurulghanliqini bayqighan.
tamozhna memurliri tekshürüsh netijiside, qimmiti 2 milyon 800 ming dollarliq 60 kilogiram altunni qolgha chüshürgen.
amanliqni saqlash tarmaqliri altunning xitay we dubeyge yollash üchün ayrodurumgha élip kélingenlikini bildürdi.
qolgha chüshken bu etkes altunning kaméron tarixida birla qétimda qolgha chüshürülgen eng köp miqdarliq etkes altun ikenliki eskertildi.
kaméronning atlas déngizi sahiligha jaylashqan eng chong soda shehiri doula we uninggha yéqin limbe shehiri, néfit, alyumin we almastin bashqa yene, köp miqdarda altun zapisining barliqi bilenmu tonilidu.
