amérikaning seudi erebistangha esker ewetidighanliqi otturigha chiqti

amérikaning seudi erebistangha yüzlerche esker ewetish teyyarliqini qilwatqanliqi ilgiri sürüldi.

amérikaning seudi erebistangha esker ewetidighanliqi otturigha chiqti

türkiye awazi radiyosi xewiri: s n n (CNN) ning amérika dölet mudapie ministirliqidiki ikki emeldarning dégenlirini asas qilip bergen xewiride körsitilishiche, amérikaning seudi erebistan paytexti riyadtiki shahzade sultan hawa armiye bazisigha 500 esker ewetishi kütülmekte iken.

mesul emeldarlar ayropilan linyesi we ayrodurumni yaxshilashtin bashqa, bir dane «wetenperwer» namliq bashqurulidighan bomba batariyesi üchün qiliniwatqan deslepki teyyarliqlar üchün sani az bolghan bir herbiy qisim we arqa sep xadimlirining hazirmu bazida teyyar halette ikenlikini éytti.

xewerde körsitilishiche, amérika kongresige seudi erebistangha esker ewetish mesiliside resmiy melumat bérilmigen, biraq bir emeldar s n n gha mezkur mesile boyiche kéler hepte bayanat élan qilishning pilanlanghanliqini éytqan.

midilburiy (Middlebury) xelqara tetqiqatlar inistituti sherqiy asiya yadro qorali tarqilishining aldini élish layihesining diréktori jéfréy léwis (Jeffrey Lewis) ning bildürüshiche, planét lebs (Planet Labs) isimlik shirketning süniy hemrahdin tartilghan süretliri 2019-yili iyun éyining otturilirida hawa armiye bazisidiki deslepki amérika eskerliri we arqa sep xadimlirini körsitip béridiken.

resimlerni tetqiq qilghan jéfréy léwisning qeyt qilishiche, iyun éyining axirida we bu ay (iyul) ning béshida tartilghan süretler, amérika qisimliri orunlishishtin burunqi bazida qiliniwatqan teyyarliqlardin direk béridiken.

amérika dölet mudapie ministir wekili patrik shéynaxan (Patrick Shanahan) ötken ay pars qoltuqining nöwettiki weziyiti üstide toxtalghanda, ottura sherqqe zapas ming esker ewetilidighanliqini élan qilghan, biraq bu eskerlerning qaysi döletke ewetilidighanliqi heqqide melumat bermigen idi.

pars qoltuqidiki eng chong dölet hésablinidighan seudi erebistanda hazir amérikaning herbiy bazisi yoq. paytext riyadtiki «shahzade hawa armiye bazisi» amérikaning rayondiki eng muhim herbiy bazilardin biri idi. biraq, amérika 2003-yili mezkur bazidiki eskerlirini qatargha yötkep, seudi erebistandiki herbiy mewjutluqini axirlashturghan idi.    



مۇناسىۋەتلىك خەۋەرلەر