hefter küchliri köchmenlerge hujum qildi
liwiyede général xelife hefter küchlirige ait urush ayropilanlirining trablusning sherqidiki tertipsiz köchmenler turuwatqan bir lagérni bombardiman qilishi netijiside 30 din artuq kishi hayatidin ayrildi.
türkiye awazi radiyosi xewiri: liwiye milliy kéngesh hökümitige qarashliq sehiye ministirliqining bayanatchisi fewzi uneyyisning éytishiche, général xelife hefter küchlirige ait urush ayropilanliri, tajura rayonidiki tertipsiz köchmenler qéliwatqan lagérni bombardiman qilghan, hujumda 30 din artuq kishi hayatidin ayrilghan, köp sanda kishi yarilanghan.
uning eskertishiche, lagérda afriqa, misir we jenubiy asiyagha jaylashqan bangladésh rayonidin kelgen tertipsiz köchmenler turidiken.
tertipsiz köchmenlikke qarshi küresh teshkilatining mesuli elmebruk abdulhafizning liwiyening «‹elehrar› téléwiziye qanili» gha bergen bayanatida qeyt qilishiche, hawa hujumigha uchrighan lagérda texminen 120 tertepsiz köchmen bar iken.
igilinishiche, bu lagér liwiye milliy hökümitige qarashliq eddaman etritige ait iken.