پومپېيو موغېرىنى بىلەن كۆرۈشتى

تۈركىيە ئاۋازى رادىيوسى خەۋىرى: ئامېرىكا قوشما ئىشتاتلىرى تاشقى ئىشلار مىنىستىرلىقى باياناتچىسى مورگان ئورتاگۇس ۋاشىنگتوندا ئىشقا ئاشۇرۇلغان ئۇچرىشىش توغرۇلۇق ئېلان قىلغان يازما باياناتىدا، پومپېيو بىلەن موغېرىنىنىڭ، ئۇچرىشىشتا ئامېرىكا قوشما ئىشتاتلىرى – ياۋروپا ئىتتىپاقى مۇناسىۋەتلىرى توغرۇلۇق تەپسىلىي مۇزاكىرە ئېلىپ  بارغانلىقىنى ئەسكەرتىش بىلەن بىر ۋاقىتتا، ئۇچرىشىش جەريانىدا، ياۋروپانىڭ مۇداپىئەسى ۋە بىخەتەرلىكى توغرىلىقمۇ مۇزاكىرە ئېلىپ بېرىلغانلىقىنى تەكىتلەپ مۇنداق دېدى: «ئۇچرىشىشتا، ئافغانىستان، ئىران، لىۋىيە، كۇبا، مولداۋىيە، غەربىي بالقان رايونى، رۇسىيە، ئۇكرائىنا ۋە ۋېنېزۇئېلا قاتارلىق ئورتاق كۆڭۈل بۆلىدىغان مۇھىم خەلقئارا ۋە رايون مەسىلىلىرى مۇزاكىرە قىلىندى.»