niyu york shehirining manxatton rayonida bir tik uchar chüshüp ketti

türkiye awazi radiyosi xewiri: amérika niyu york shehirining manxatton (Manhattan) rayonida, bir tik uchar égiz binagha soqulup kétip chüshüp ketti. weqede, uchquchining jénidin ayrilghanliqi we weqening térrorluq hujumi emesliki bildürüldi.

 niyu york ot öchürüsh (pazharni) idarisining bub heqtiki bayatida qeyt qilinishiche, bir tik uchar manxattonning ottura qismidiki taymés meydani (Times) gha yéqin jaydiki égiz binaning eng üstidiki qewitige soqulup chüshüp ketken. tik uchar binagha soqulghanda, tik uchargha ot ketken. weqe yüz bergendin kéyin ot öchürüsh xadimliri we saqchilar derhal neq meydangha yétip kelgen.

niyu york waliysi andjiru kuamo (Andrew Cuomo) muxbirlargha bergen bayatida: «tik ucharning mezkur binagha néme üchün qonmaqchi bolghanliqini bilmeymiz. bu normal qonush emes» dédi.

niyu york sheher bashliqi bil déi blasiyo (Bill de Blasio) binagha soqulghan tik ucharning u yerde uchmasliqi kérek ikenlikini éytti.