لىۋىيەدىكى توقۇنۇشلاردا ئۆلگەنلەرنىڭ سانى 562 گە يەتتى
لىۋىيەنىڭ پايتەختى تىرابلۇس ئەتراپىدا يېقىنقى بىر قانچە ئايدىن بۇيان كۈچىيىپ كەتكەن توقۇنۇشلاردا جېنىدىن ئايرىلغانلار سانى 562 كە يەتتى.
تۈركىيە ئاۋازى رادىيوسى خەۋىرى: دۇنيا سەھىيە تەشكىلاتى يازما بايانات ئېلان قىلىپ، ترابلۇستىكى توقۇنۇشلاردا 40 نەپىرى پۇقرا بولۇپ جەمئىي 562 ئادەمنىڭ جېنىدىن ئايرىلغانلىقىنى، 2855 ئادەمنىڭ يارىلانغانلىقىنى ئۇقتۇردى.
لىۋىيەنىڭ شەرقىدىكى ھەربىي كۈچلەرنىڭ لىدىرى گېنېرال ھافتەرنىڭ 4 – ئاپرېلدا پايتەخت ترابلۇسنى قولغا كىرگۈزۈش ئۈچۈن بۇيرۇق چۈشۈرۈشىدىن كېيىن، لىۋىيە مىللىي بىرلىك ھۆكۈمىتى قىسىملىرىمۇ «غەزەپ يالقۇنى» ھەربىي ھەرىكىتىنى باشلىغانىدى.
2011 – يىلىدىن بۇيان قانۇنىيلىق كىرىزىسى داۋاملىشىپ كېلىۋاتقان لىۋىيەدە خەلقئارانىڭ ئېتىراپ قىلىشىغا ئېرىشكەن لىۋىيە مىللىي بىرلىك ھۆكۈمىتى قىسىملىرى بىلەن گېنېرال خەلىفە ھافتەرگە قاراشلىق كۈچلەر ئارىسىدا 2 ئايغا يېقىن ۋاقىتتىن بۇيان توقۇنۇشلار داۋاملاشماقتا.
مۇناسىۋەتلىك خەۋەرلەر
ھەجدە ۋاپات بولغانلارنىڭ سانى 1300 دىن ئاشتى
سەئۇدى ئەرەبىستاندا ھەج ئىبادىتىنى ئادا قىلش جەريانىدا 1301 كىشىنىڭ ۋاپات بولغانلىقى ئېلان قىلىندى.
