sirilankada islamgha öchmenlik qilghuchilar teripidin bir musulman öltürüldi

türkiye awazi radiyosi xewiri: saqchi mesulliri muxbirlargha bergen bayanatida, puttalam rayonida islamgha öchmenlik qilghuchi bir qara guruhning tüngün memliket miqyasida élan qilinghan kochigha chiqmasliq cheklimisige xilapliq qilghan halda, 45 yashliq bir musulmangha pichaq we bashqa kesküchi qorallar bilen hujum qilghanliqini bildürdi.

hujumgha uchrighuchining doxturxanida qutquzush ünüm bermey jénidin ayrilghanliqi élan qilindi.

sirilanka hökümiti 21 – aprildiki chirkaw we méhmanxanilarni nishan qilghan térrorluq hujumdin kéyin, waqitnche kochigha chiqmasliq cheklimisi élan qilghan we ijtimaiy taratqularning ishlitishinimu waqitliq meniy qilghan idi. 

13 – mayda sirilankidiki bezi jame we musulmanlargha tewe dokkanlargha qilinghan hujumlardin kéyin kochigha chiqmasliq cheklimisi qaytidin ijra qilinishqa bashlanghan idi.

sirilankida 21 – aprilda xiristiyanlarning muqeddes paskalya bayrimi jeryanida kechchikadediki sit antoniy chirkawi, katanadiki sit sébastiyan chirkawi, battikoladiki meryem ana chirkawi shundaqla paytext kolombodiki 5 yultuzuluq méhmanxanilardin shanggirilla, kinnamon girand we kinggsboriy méhmansaraylirigha bomba hujumi qilinghan idi.

hujumdin kéyin paytext kolomboning poyiz istansiliridin déhiwaladiki méhmansaray we dématogodaki köwrükke yéqin jaylardimu partlashlar yüz bergen idi.

aliqdar mesullar bu hujumlarda 253 kishining ölgenlikini élan qilghan idi.