ئىچكى موڭغۇلدىكى پارتلاشتا 4 كىشى ئۆلۈپ 35 كىشى يارىدار بولدى

تۈركىيە ئاۋازى رادىيوسى خەۋىرى: خىتاينىڭ يەرلىك مەتبۇئاتلىرىدا تارقىتىلغان خەۋەرلىرىدە، ئىچكى موڭغۇل ئاپتونوم رايونىدا خىتاينىڭ دوڭزىڭ شىركىتى تەرىپىدىن قۇرۇلغان خىمىيە زاۋۇتىدا كېچىدە يۈز بەرگەن پارتلاشتا، 4 كىشىنىڭ ئۆلگەنلىكى ۋە 35 كىشىنىڭ يارىدار بولغانلىقى بىلدۈرۈلدى.

پارتلاشتىن كېيىن ئوت ئۆچۈرۈش ئەترەتلىرىنىڭ خىمىيە زاۋۇتىدىكى ئوتنى غەلىبىلىك ئۇچۈرۈۋالغانلىقى، زاۋۇت ئەتراپىدا ئولتۇرۇشلۇق كىشىلەرنىڭ باشقا جايغا تارقاقلاشتۇرۇلغانلىقى ئۇقتۇرۇلدى.

ساقچىلارنىڭ پارتلاش ھەققىدە تەكشۈرۈشنى داۋاملاشتۇرۇۋاتقانلىقى قەيت قىلىندى.