ئۇكرائىنادىكى پىرېزىدېنتلىق سايلىمىدا كومېدىيە ئارتىسى ۋىلادىمىر ئۇتۇپ چىقتى

تۈركىيە ئاۋازى رادىيوسى خەۋىرى: ئۇكرائىنادا ئۆتكۈزۈلگەن پىرېزىدېنتلىق سايلىمىدا كومېدىيە ئارتىسى ۋىلادىمىر زېلېنسكى ئۇتۇپ چىقتى.

ھازىرقى پىرېزىدېنت پوروشېنكو بىلەن كومېدىيە ئارتىسى ۋىلادىمىر زېلېنسكي رىقابەتلەشكەن سايلام تۈنۈگۈن كەچ سائەت 20:00دە ئاخىرلاشتى.

بىلدۈرۈلۈشىچە، زېلېنسكي %73.2، پوروشېنكو %25.3 ئاۋازغا ئېرىشكەن.

زېلېنسكي سايلام نەتىجىلىرى ئېلان  قىلىنغاندىن كېيىن مۇنداق دېدى: «بۇ غەلبىنى بىرلىكتە قولغا كەلتۈردۇق.»

1-مايغىچە رەسمىي نەتىجىلەرنىڭ ئېلان قىلىنىشى كۈتۈلمەكتە.

سايلامدا ئۇتۇپ چىققان نامزاتمۇ ماي ئېيىنىڭ ئاخىرغىچە قەسەم بېرىپ پىرېزىدېنتلىق ۋەزىپىسىنى ئۆتكۈزۈۋالىدۇ.