تۈركىيە ئارمىيەسى ئىراقنىڭ شىمالىدىكى تېررورچىلارغا ھاۋادىن زەربە بەردى

تۈركىيە ئاۋازى رادىيوسى خەۋىرى: تۈركىيە دۆلەت مۇداپىئە مىنىستىرلىقى تىۋىتتېر ھېسابىدا، تۈركىيە ئارمىيەسىنىڭ ئىراقنىڭ شىمالىدىكى تېررورلۇق تەشكىلاتى نىشانلىرىغا قارىتا ئېلىپ بارغان ھاۋا ھەرىكىتى ھەققىدە مەلۇمات ئېلان قىلدى.

باياناتتا، قاندىل رايونىغا قىلىنغان ھاۋا ھەرىكىتىدە، بۆلگۈنچى تېررورلۇق تەشكىلاتى پ ك ك غا تەۋە قورال ئىستىھكاملىرى، پاناھجاي ۋە قورال – ياراق ئىسكىلاتلىرىنىڭ پاچاقلاپ تاشلانغانلىقى بىلدۈرۈلدى.