pakistanliq diniy alim hujumgha uchridi
pakistanda karachi darul ulum korangi islam uniwérisitéti oqutquchisi mufti teqi osmani olturghan aptomobil qoralliq hujumgha uchridi.
türkiye awazi radiyosi xewiri: yardemchisi abid siddiq ömerson mufti teqi osmani olturghan aptomobilning karachining shahrai feysel rayonida qoralliq hujumgha uchrighanliqini éytti.
hujumda osmanining qoghdighuchisining ölgenliki özining we shopurining yaridar bolghanliqi bildürüldi.
sind ölke reisi imran ismail osmanining uzundin buyan ölüm bilen tehdit sélishlargha uchrap kéliwatqan bolghachqa qoghdighuchi teyinlep bérilgenlikini uqturdi.
osmani 1980 – yilidin 1982 – yilighiche fédératisye sot mehkimiside sodiyelik wezipsi ötigen, 1982 – yilidin 2002 – yilighiche dölet asasiy qanuni mehkimisige qarashliq sheriet mehkimisi yuqiri sot kéngishi ezasi bolghan idi.
amérika, engliye, liyuksémburg qatarliq döletlerdiki sheriet organliridimu bashliqliq wezipisi ötigen osmani, islam hemkarliq teshkilatining qollishi astidiki xelqara fiqih akadémiyesining daimiy ezasi bolup wezipe ötimekte.
osmani karachi darul ulum islam uniwérsitétida sehihul buxara hedisliri, fiqih we islam iqtisadi saheliride oqutquchiliq qilmaqta.
pakistan médiyasida orun alghan xewerlerge asaslanghanda, karachi darul ulum islam uniwérsitétida oqutquchiliq qilidighan mawlana amir shahabuddin xanning aptombilimu 4 qoralliq kishining hujumigha uchrighan idi.
sind ölkisige qarashliq karachi shehirining chowrangi rayonida yüz bergen hujumda mawlana amir shahabuddin xan éghir yaridar bolup, qoghdighuchisi sanobar xan ölgen idi.