elrayi tekshürüshi: erdoghan gherbiy balqan döletlirining eng yaqturulidighan rehbiri
jumhur reis rejep tayyip erdoghanning gherbiy balqan xelqliri eng yaqturidighan rehber ikenliki éniqlandi.
2139733
türkiye awazi radiyosi xewiri: xelqara jumhuriyetchiler instituti albaniye, bosniye-gértségowina, qaratagh, shimaliy makédoniye, sérbiye we kosowoda «gherbiy balqan rayoni elrayi tekshürüshi» élip bardi.
tekshürüshke asaslanghanda, mezkur döletlerning puqraliridin bir qatar bashqa mesililer bilen birlikte, «dunya we rayon rehberlirining qaysisigha ijabiy qaraysiz?» dep soralghan.
elrayini sinashqa qatnashqan albaniyeliklerning %71 i jumhur reis erdoghangha ijabiy qaraydighanliqini bildürgen. albaniyediki tekshürüshte, jo baydin ikkinchi, shi jinping üchinchi bolghan.
bosniye-gértségowinada oxshash soalgha jawab bergenlerning %61 i erdoghanni yaqturidighanliqini bildürgen bolsa, rusiye pirézidénti wiladimir putin, amérika pirézidénti baydin we xitay dölet reisi shi jinping %37 etrapida awazgha érishken.
qarataghdimu erdoghan birinchi, putin ikkinchi, shi jinping üchinchi bolghan.
shimaliy makédoniyedimu erdoghan %66 awazgha ériship birinchi bolghan, uningdin qalsa, rusiye pirézidénti wiladimir putin, amérika pirézidénti jo baydin, eng axirida bolsa, xitay dölet reisi shi jinping orun alghan.
sérbiyede jumhur reis erdoghan rusiye pirézidénti wiladimir putin, xitay dölet reisi shi jinpingdin kéyinki üchinchi rehber bolghan
kosowoda amérika pirézidénti baydin birinchi qatardin, jumhur reis erdoghan ikkinchi qatardin orun alghan.
tekshürüshke albaniyedin 1216, bosniye we gértségowinadin 1225, shimaliy makédoniyedin 1220, qarataghdin 1036, sérbiyedin 1238, kosowadin 1203 kishi qatnashqan.
