ئافغانىستاندا بىر ژۇرنالىست بومبا ھۇجۇمىغا ئۇچرىدى

تۈركىيە ئاۋازى رادىيوسى خەۋىرى: ھېلماند ۋالىي مەھكىمىسى ھېلماندتا بىر تېلېۋزىيە قانىلىدا مۇخبىرلىق ۋەزىپىسىنى ئۆتەۋاتقان ناسىر ئەھمەد ئەھمەدىنىڭ ئاپتوموبىلىغا ئورۇنلاشتۇرۇپ قويۇلغان بومبىنىڭ ئۇ ئىشقا كېتىۋاتقان پەيتتە، يولدا پارتىلغانلىقى بىلدۈرۈلدى.

باياناتتا، ژۇرنالىست ئەھمەدىنىڭ ھۇجۇمدا ئېغىر يارىدار بولغانلىقى ۋە دوختۇرخانىدا بالنېستقا ئېلىنغانلىقى قەيت قىلىندى.

ھۇجۇمنىڭ جاۋابكارلىقىنى تېخىچە ھېچقايسى تەرەپ ئۆز ئۈستىگە ئالمىدى.