ئىسرائىلىيە ئەسكەرلىرى پەلەستىنلىك بىر بالىنى شېھىت قىلدى

تۈركىيە ئاۋازى رادىيوسى خەۋىرى: غەززەدىكى پەلەستىن سەھىيە مىنىستىرلىقى تەرىپىدىن بۇ ھەقتە ئېلان قىلىنغان يازما باياناتتا ئەسكەرتىلىشىچە، تۈنۈگۈن غەززەنىڭ شەرقىي قىسمىدا ئۆتكۈزۈلگەن نامايىشلاردا ئىسرائىلىيە ئەسكەرلىرىنىڭ نامايىشچىلارغا ئوق چىقىرىشى نەتىجىسىدە يارىلانغان 15 ياشلىق سەيفەددىن ئەزۇ زەيد  ئىسىملىك بالا ھاياتىدىن ئايرىلغان.

مىنىستىرلىق ئىلگىرى ئېلان قىلغان باياناتىدا، ئىسرائىلىيە ئەسكەرلىرىنىڭ «كەڭ كۆلەملىك نامايىشلار» غا قاتناشقانلارغا ئوق چىقىرىشى نەتىجىسىدە 4 پەلەستىنلىكنىڭ يارىلانغانلىقىنى ئۇقتۇرغانىدى.

ئىگىلىنىشىچە، پەلەستىنلىكلەر 2018 – يىلى 30 – مارتتىن بۇيان قامال ئاستىدىكى غەززە رايونىنىڭ ئىسرائىلىيە چېگراسىدا «كەڭ كۆلەملىك نامايىشلار» نى ئۆتكۈزمەكتە ئىكەن.