سەئۇدى ئەرەبىستاندا كەلكۈن سەۋەبلىك 12 ئادەم قازا قىلدى
سەئۇدى ئەرەبىستاندا شىددەتلىك ھۆل-يېغىن كەلتۈرۈپ چىقارغان كەلكۈن تۈپەيلى نۇرغۇن ئادەم قازا قىلدى.
![سەئۇدى ئەرەبىستاندا كەلكۈن سەۋەبلىك 12 ئادەم قازا قىلدى](http://cdn.trt.net.tr/images/xlarge/rectangle/c757/092a/db15/5c5181a7e288c.jpg?time=1719199274)
تۈركىيە ئاۋازى رادىيوسى خەۋىرى: سەئۇدى ئەرەبىستاندا تۆت كۈندىن بۇيان داۋاملىشىۋاتقان شىددەتلىك ھۆل-يېغىن كەلتۈرۈپ چىقارغان كەلكۈن تۈپەيلى، 12 ئادەم قازا قىلدى.
سەئۇدى ئەرەبىستان رەسمىي خەۋەر ئاگېنتلىقىنىڭ بىلدۈرۈشىچە، ئۆتكەن يەكشەنبە كۈنىدىن بۇيان داۋاملىشىۋاتقان شىددەتلىك ھۆل-يېغىنلار كەلكۈن ئاپىتىگە سەۋەب بولغان، كەلكۈن نەتىجىسىدە مەملىكەت مىقىياسىدا 12 ئادەم قازا قىلغان.
خەۋەردە، ئاپەتكە ئۇچرىغۇچىلارغا ياردەم قىلىش خىزمەتلىرىدە 271 ئادەمنىڭ قۇتقۇزۇپ قېلىنغانلىقى، سەئۇدى ئەرەبىستاننىڭ غەربىي شىمالىغا جايلاشقان تەبۇك رايونىدىن 137 كىشىنىڭ تارقاقلاشتۇرۇلغانلىقى بىلدۈرۈلدى.
سەئۇدى ئەرەبىستان ئاممىۋى مۇداپىئە مەسئۇللىرى خەلقنى بوران-چاپقۇن ۋە كەلكۈن ئاپەتلىرىگە قارشى تەدبىر ئېلىشقا چاقىردى.
مۇناسىۋەتلىك خەۋەرلەر
![لىۋان ھىزبۇللاھى: ئىسىرائىلىيە پۇشايمان قىلىدۇ](http://cdn.trt.net.tr/images/medium/rectangle/3cc3/db28/e5e7/571459f87d3d8.jpg?time=1719199275)
لىۋان ھىزبۇللاھى: ئىسىرائىلىيە پۇشايمان قىلىدۇ
لىۋان ھىزبۇللاھى ئىسىرائىلىيە ھۇجۇم قىلسا «پۇشايمان» قىلىدىغانلىقى توغرىسىدا ئاگاھلاندۇردى.