sudanda 24 mingdin ademning öy - makanidin ayrilip qalghanliqi bildürüldi
sudanning jenubida hökümet küchliri bilen isyanchilar arisida yüz bergen toqunushlar tüpeyli 2018 - yili öy – makanlirini terk qilghanlar sani 24 minggha yetti.
türkiye awazi radiyosi xewiri: birleshken döletler teshkilati (b d t) ning sudandiki insaniy yardem kordinatsiye ishxanisining doklatida, bu sanning 2017 – yili 10 ming, 2016 – yili bolsa, 152 ming ikenliki eskertildi.
dölet miqyasida 5 milyon 500 ming etrapida ademning insaniy yardemge mohtaj ikenliki bildürülgen doklatta, bularning 1 milyon 200 mingining musapirlar ikenliki qeyt qilindi.
darfur rayonida 2003 – yilidin buyan hökümet küchliri bilen isyanchilar arisida toqunushlar yüz bermekte. b d t ning sanliq melumatlirigha asaslanghanda, toqunushlarda 300 ming etrapida adem jénidin ayrilghan, ikki yérim milyon etrapida adem öy – makanliridin ayrilip qalghan.
jenubiy sudan chégrasidiki jenubiy kordofan we mawi nil ölkiliridimu 2011 – yilidin buyan hökümet küchliri bilen isyanchilar arisida yüz bergen toqunushlar 1 milyon 200 etrapida ademge ziyan yetküzdi.
sudan xelq azadliq herikiti – shimal teshkilati, 2011 – yilidin buyan jenubiy kordofan we mawi nil ölkilirining musteqilliqini qolgha keltürüsh üchün küresh qilmaqta.