مىسىردىكى بوران ئاپىتى جان ئالدى

تۈركىيە ئاۋازى رادىيوسى خەۋىرى: مىسىر مېتېئورولوگىيە ئىدارسىدىن ئېلان قىلىنغان باياناتتا، تۈنۈگۈن مىسىرنىڭ شىمالىدا باشلانغان بوران ئاپىتىنىڭ دېڭىز قاتنىشىغا ئېغىر تەسىر كۆرسەتكەنلىكى بىلدۈرۈلدى.

ھاۋارايىدىكى بۇ سەلىبىي ئەھۋاللارنىڭ جۈمە كۈنىگىچە داۋام قىلىشى مۆلچەرلەنمەكتە.

يەرلىك مەتبۇئاتلارنىڭ خەۋەرلىرىدە، ئىسكەندىرىيەدىكى بوراندا ئىلان تاختىسىنىڭ غۇلاپ چۈشىشى سەۋەبىدىن بىر كىشىنىڭ ھاياتىدىن ئايرىلغانلىقى ۋە يەنە بىر كىشىنىڭ يارىدار بولغانلىقى بىلدۈرۈلدى.

مۇشۇ ھەپتىنىڭ بېشىدىن بۇيان كۈۋەيت، سەئۇدى ئەرەبىستان ۋە ئىيوردانىيەنىڭ بەزى رايونلىرىدا پەسىللىك يامغۇر سەۋەبىدىن سۇ ئاپىتى يۈز بەرگەن ئىدى.