ھىندونېزىيەدە ئايروپىلان چۈشۈپ كېتىش ۋەقەسى يۈز بەردى

تۈركىيە ئاۋازى رادىيوسى خەۋىرى: مەلۇماتلارغا قارىغاندا، ھىندونېزىيەنىڭ پايتەختى جاكارتادىن سۇماترا ئارىلىدىكى پىناڭ شەھىرىگە قاراپ يولغا چىققان « Boeing-737 » تىپلىق ئايروپىلان قوزغىلىپ 13 مىنۇت ئۆتكەندىن كېيىن ئالاقە ئۈزۈلۈپ قالغان.

ئالاقىدار تارماقلارنىڭ بىلدۈرۈشىچە، ئايروپىلان دېڭىزغا چۈشۈپ كەتكەن. ھىندونېزىيە جىددىي ئەھۋاللارغا تاقابىل تۇرۇش قوماندانلىق مەركىزى ئايروپىلاننىڭ قالدۇقلىرىنىڭ تېپىلغانلىقىنى ئۇقتۇرغان.

مەلۇماتلارغا قارىغاندا، 3 ئ بالا  بىلەن قوشۇلۇپ 181 ى يولۇچى  ۋە 8 ى ئايروپىلان خادىمى بولۇپ، جەمئىي 189 كىشى  ئولتۇرغان ئايروپىلان ۋەقەسىدە ساق قالغانلارنىڭ بار – يوقلۇقى تېخىچە  ئېنىق ئەمەس ئىكەن.

مەزكۇر ئايروپىلان قاراشلىق بولغان ھاۋا يوللىرى شىركىتى  بىخەتەرلىك مەسىلىسىدىكى ئەندىشىلىرى سەۋەبىدىن، 2007 – يىلى ياۋروپا ئىتتىپاقى تەرىپىدىن «قارا تىزىملىك» كە كىرگۈزۈلگەنىدى.

ياۋروپا ئىتتىپاقىغا ئەزا دۆلەتلەرگە ھاۋا قاتنىشى ئېلىپ بېرىشى مەنئىي قىلىنغان شىركەتكە قارىتىلغان چەكلىمە 2016 – يىلى ئىيۇن ئېيىدا بىكار قىلىنغانىدى.